تورکجه شعرلر
وطن باهاري
گلدي تازا ايل،نغمه سي باشلادي بولبول
داغ - داش گوله دولدو ، يئنه باش قووزادي سونبول
گئتدي قارا قيش گئتدي خزان ، آچدي چيچك لر
باغلار يئنه آلدي اؤزونه شانلي بزك لر
روحلار وطنين شن باهاريندان آلير ايلهام
وئرميش اؤزونه هر بيريسي ، بير گؤزل اندام
ساوالان قارسيز اولماز
باغلاري بارسيز اولماز
گؤزللرين رسمي دير
گؤزل ويقارسيز اولماز
باهار گلر ياز گلر
قيش يئتيشر قار گلر
گوني قارا اولانا
گئنيش دونيا دار گلر
اوغرو پيشيك
بيزه رحمين گله جك سؤيله ايلاهي هاچاني
ده هاچان گوندره جكسن در رحمت آچاني
هر طرفدن اوره گيم اولدو هدف تير غمه
اوره گين تيره نشان ائت اوره گه اوخ ساچاني
توتوب اويناتمادادير الده مني ائو پيشيگي
اوينادير سالسين آياقدان كي يئسين من سيچاني
گيرجگين آنبارا گوردوم كي سيچانلار دا داشير
بير بوجاقدا يئيير افسوس كي پيشيك ده ماچاني
پيكانا بنزر
منیم احواليمي سورسان پوزولان بوستانا بنزر
بير اوزون غصه لي،نيسگيللي ناغيل-دستانا بنزر
كئچه جكلر هدر اولموش گله جكدن خبريم يوخ
اولي - آخري دوشموش جيريلان ديوانا بنزر
ايندي حاليم بو حياتين ائله بيل گولخاناسيندا
گولو سولموش پوزولان كهنه ، سينيق گولدانا بنزر
يورغون عؤمروم نه دي ها! ايستي ده لحلر سوسوزوندان
دولانان داغ - داشي حيران يارالي جئيرانا بنزر
سندن ايلاهي اوره گيم داغليدير
سن بو گؤزو وئرميسن هئي آغلاسين
يا بو اوره ك كي اونو غم داغلاسين
اي قوم به حج رفته كجائيد كجائيد
معشوق همينجاست بياييد بياييد
يالانچي چوبان
ايش دوشوب دونيادا نامرد الينه
جانيمي فتنه وئريب درد الينه
جانيزي فتنه دن آنجاق قورويون
قويمايين ايش دوشه نامرد الينه
ملتين عومرو تباه اوندا اولار
كي گئچه حوكمي اونون فرد الينه
ايت يالاق هم ده چوبان اولسا پاپاق
دوشه جكدير سوروموز قورد الينه
قوي سوواق باشدان بو غم اياميني
وئر ايچيم چاك ائيله ييم اگنيمده كي
گئيديگيم بو دلق ارزق فاميني
دوز دور عاقل لر يانيندا پيس دوشر
آتميشام باشدان بو ننگ و ناميني
سنده ده ساقي صداقت گورمه ديم
گورمه دين بير گوزده سن ده هاميني
دولدورور سان وارلي نين هر گون كوپون
يوخسولون بوش قايتارير سان جاميني
ائيليسن جاهل لرين كامين شيرين
شيرين ائت بير يول دا عاقل كاميني
گوره جك گوزلري يوخ خلقده آگاه بصري
سنه قربان اولوم الله گوروسن دونياده
دوز دئيننر جانينين وار نئجه چوخلو خطري
آييلين اي وطن اوولادي گلين بير اوزوزه
سريال لاردا بو ديل آشكارا لاغ اولمادادير
ايسته يير لر كي اوياتماق آدينا يوخلادالار
ايرانين آذري اولادي اوياق اولمادادير
اولمه ييب يالقيز هله تورك ديلينه خور باخالار
خائنين باشينا هر لحظه چماق اولمادادير
